穿魚網襪的祖兒趷籮與女Dancers互摸美腿，相當撩人！

樂壇天后容祖兒前晚率領一眾師弟妹開騷，當日農曆生日的祖兒，與眾人切蛋糕，又獲全場數千名觀眾合唱生日歌慶祝。在騷上祖兒施展渾身解數，和六名女Dancers大跳辣身舞，做出單腳一字馬和趷籮等惹火動作，實行火辣慶生！

穿魚網襪的祖兒趷籮與女Dancers互摸美腿，相當撩人！

祖兒將獲贈嘅生日卡包住自己，搞笑！

泳兒既然身材咁有料，唔怕晒多啲！

洪卓立（右起）、羅力威、祖兒、鍾舒漫和泳兒齊齊切蛋糕，無分彼此。

羅力威自彈自唱騷才華。

有一段時間冇開騷嘅Sherman低胸益吓大家。

祖兒前晚率領師弟妹羅力威、鍾舒漫（Sherman）、泳兒及洪卓立出席《新城唱好女皇．唱將音樂會》，女歌手齊齊「賣大包」，Sherman和泳兒分別以開胸透視裝及低胸吊帶裙騷三吋事業線！適逢前日是祖兒農曆生日，而羅力威和Sherman同是本月生日，三位「六月之星」齊切蛋糕慶生。

壓軸的祖兒以短裙襯魚網襪上陣，與六名女Dancers勁歌熱舞。在內地參加跳舞節目的祖兒舞功高強，不但擺出單腳一字馬，又趷籮扭Pat，更任由Dancers摸白滑大髀，場面火辣！其後祖兒和羅力威合唱，兩人在台上大放笑彈，羅力威祝師姐「路路鏗鏘」，而祖兒則以「路路暢通」還擊：「終於喺公司搵到個比我更九唔搭八嘅人！」

父親節約老闆食飯

本月16日33歲生日的祖兒表示會和老闆英皇集團主席楊受成博士食飯，順道慶祝父親節，又否認會和男友劉浩龍到美國慶生。問到想男友送甚麼禮物，她說：「是但啦！送咩都開心，最緊要健康。（男友有冇約你？）有都唔講啦！」而罕有性感上陣的Sherman指原本有穿打底衫，但被同事責罵才豁出去。問到剛過生日的羅力威有否與緋聞女友雨僑慶祝？他口震震地表示要接受電視台訪問隨即閃人。