陳子才批生蛇仔：旺陳茵媺多啲

Aimee在微博冧爆宣布嫁陳豪，對於一直盛傳Aimee奉子成婚，堪輿學家陳子才認為他們第一胎中男丁的機會極高：「按照陳豪同陳茵媺嘅命格，佢哋應該會生一仔一女，而第一位小朋友好大機會係囝囝！」又指若Aimee如外界所傳已懷孕三個月，出世的小朋友會肖蛇，其命格會旺Aimee多於陳豪：「個小朋友屬蛇，但陳豪屬豬，兩者會相沖，反而Aimee屬雞，同小朋友幾夾，可能代表Aimee會花多啲時間陪佢。」他又表示二人婚後未必會退出娛圈：「陳豪出年開始轉入十年大運，雖然佢有可能喺事業上有變化，但應該唔會完全退出娛樂圈，Aimee嘅工作運要2022年先完！」