陳茵媺（Aimee）及陳豪終於共諧連理，Aimee昨日更於微博上載結婚甜蜜照報喜，Aimee契哥麥長青卻表示看了微博才知契妹結婚，問到會否嬲Aimee不請他出席婚禮時，他說：「唔會，佢唔通知我可能費事我難做啫！（買乜禮物畀佢哋？）我係長輩，係咪送龍鳳鈪呢？（可能就嚟要送BB衫？）呢個等佢哋通知咗先，我隨時Stand By。」

而黎耀祥恭喜二人時更指他們有情人終成眷屬：「佢兩個好襯，非常恩愛！之前同佢哋食過飯，佢哋平時啲眼神都含情脈脈，嗒晒糖咁，見到都甜到漏，將來生埋BB就更加好！」早前與陳豪拍《傳愛事務所》的他，問到陳豪有否向他提過婚事，他說：「佢好口密！」而身為Aimee長輩的邵氏高層黃家禧表示想恭喜他們，但其家人沒有聽電話。