陳豪做老襯搞足一年 留守無綫搵家用
陳豪為準備與陳茵媺（Aimee）這頭婚事而大費周章，一年間於香港、巴黎及加拿大三邊飛，原來兩口子去年底飛往巴黎時，表面是預支蜜月，實情是到當地籌備婚事。而為求穩定的他已決定續約無綫，打消外闖的念頭。
披上嫁衣的茵媺一臉幸福，於巴黎下嫁陳豪，榮升陳太。
最近一年變身「空中飛人」的陳豪，為婚事出心出力！
陳豪上月被拍得與家人及經理人於餐廳開家庭會議，商討往加國提親一事。（資料圖片）
雙陳自去年傳出婚訊後，雖然一直未有親口承認婚事，貫徹低調的態度。可是陳豪於去年年廿九出席倒數活動時，已笑晒話「人生將會有新計劃」，原來他早於一年前已秘密為這頭婚事悉心籌備，讓Aimee可專心等做陳太。
巴黎遊揀定禮服
據知陳豪籌備這個婚禮已有一年，他倆去年底被網友撞到在巴黎預支蜜月，當時陳豪說：「我哋撞啱時間一齊去玩啫，唔係秘密，只係想低調啲，去咗蒙娜麗莎屋企（指博物館）同幾間咖啡店歎咖啡！」這趟巴黎遊原來另有目的，據知陳豪當時是帶Aimee視察婚宴場地，又去著名的餐廳試菜及揀禮服，並非飲咖啡咁簡單。
婚禮萬事俱備，陳豪連Dream House都買埋，今年4月豪擲3,300萬元購入大埔比華利山4千呎獨立屋，讓Aimee婚後可住得舒舒服服。自Aimee拍畢劇集《單戀雙城》後，有指她推掉新劇《寒山潛龍》，專心在加拿大安胎，陳豪則做空中飛人，來回香港及加拿大。上月29日，本報獨家拍得他返港現身機場，問到是否探望Aimee時，他未有否認，只笑笑口說去美國登台，還叫記者等他好消息！而他本月2日出席活動時表示會接收所有祝福，問到是否到巴黎結婚？他說：「唔講得你知o架！」
樂易玲唔講「餡」
一直有傳陳豪有意離開無綫外闖，如今陳豪娶埋老婆，一闊三大，為求穩定，他已決定留低，本報致電無綫高層樂易玲，對於「雙陳」於巴黎成婚，她說：「我都係睇微博先知，佢哋兩個係傳媒同大家心目中嘅金童玉女，祝佢哋百年好合，年生貴子！」對於Aimee「有餡」一事，樂易玲說：「咁敏感，都係新郎、新娘答啦！（陳豪續約無綫？）佢9月就會返無綫開工！」
