日本女團HKT48成員指原莉乃升呢做AKB家族一姐後，多次被彈樣衰未夠班，男星堤真一前日出席新片《我只是未有全力以赴》首映時，便與導演福田雄一公然一唱一和，勁彈該片任配角的指原醜樣，堤真一說：「佢似偶像咩？開工嗰陣我以為佢係工作人員。」導演更加不留情面，指拍攝時是指原剛爆出性醜聞後的第三天，她開工時明顯唔夠瞓，平日醜爆的她面腫腫：「好似發水豬扒。」