首執導筒的家輝傳「撞鬼」，但睇張導演咁精靈就知冇事啦！

張家輝首次執導的電影昨日於馬來西亞開鏡，他日前換酒店惹來撞鬼疑雲！而拍檔劉心悠笑言家輝早前半夜致電，令她以為被整蠱！

首執導筒的家輝傳「撞鬼」，但睇張導演咁精靈就知冇事啦！

吳家麗（右）跟心悠開鏡前直豎拇指，信心十足。

心悠（中）跟吳家麗被炮仗聲嚇得掩耳。

張家輝、劉心悠、吳家麗昨日於馬來西亞出席電影《盂蘭神功》開鏡拜神，首次自導自演的家輝拿着長竹竿點長炮仗，嚇得心悠及吳家麗笑住走避！家輝坦言今次首執導筒，不少影帝級朋友想幫手，但他為免碌爆人情卡而婉拒，亦笑言今次拍攝真正的鬼片，令不少工作人員疑神疑鬼，昨日亦有傳他「撞鬼」而突然換酒店，他澄清：「我之前住嗰間酒店冷氣太嘈、窗簾又透光，我先換酒店啫！」

操肌唔傷腎

家輝早前大晒朱古力肌，但亦有人以他作為例子，指若在太短時間內操練肌肉，會令腎功能衰退，對此，他說：「我都唔主張咁短時間內做呢啲事，手法太極端！（使唔使清心寡慾？）總之冇影響我正常生活。（腎機能有冇衰退？）OK，一切正常，腎機能良好。」

心悠亦大讚家輝的朱古力肌吸引，她大爆今次家輝找她合作，還有一段趣事：「家輝試過夜晚十點幾打畀我，我以為玩電話，梗係唔信啦！但之後知道係真嘅，真係超驚喜，第二日即打畀經理人公司度期。」