趙哲妤同情Karl：冇當佢係女仔

《求愛大作戰》形象指導許嘉浩（Karl）與趙哲妤（Uny）昨日出席時裝店開幕，Karl表示前晚與一眾參加者及無綫高層收看節目，事後亦有睇網上評論，但心情未受影響。提到有觀眾質疑其性別？Karl說：「好明顯就係男仔。（性取向？）我有同女仔拍過拖，但長頭髮後就有男仔艷遇，我冇同過男仔拍拖，但唔排除有發展空間，拍拖都係想開心，暫時未有人令我心動。」其後，昨日Karl接受電話訪問時否認與藝人發生爭拗。對於被插衣着及「不男不女」，他直言不會不開心︰「唔會唔開心，會尊重同接受其他人嘅意見，但唔會因為咁而改變衣着打扮。」Uny表示聽到抨擊Karl的言論而戥他可憐，更稱冇辦法當對方是女仔。