法拉整理高跟鞋時，按梁家輝肩膊「借力」，影帝咁有風度相信不會介意。

影帝梁家輝、任達華前晚聯同陳法拉、邵音音、林家棟及陳靜（DaDa）等為電影《迷離夜》、《奇幻夜》坐巴士巡遊宣傳，再到鵝頸橋打小人。對於王敏德女兒被拍到食煙，同樣已為人父的梁家輝說：「我個女Facebook都有食煙相，佢做學校Project要扮一個頹廢人。（現實有食？）唔知。」又笑指自己是煙民，故沒資格講。至於會否讓女兒飲酒？曾酒後毆打巴士司機的家輝以身作則說：「佢過咗18歲合法年齡，自己選擇啦！我會舉自己做例子，叫佢千祈咪好似爸爸咁，最驚係佢識唔到男仔咋！」

法拉整理高跟鞋時，按梁家輝肩膊「借力」，影帝咁有風度相信不會介意。

梁家輝與任達華（右）兩個大唔透，拿着道具祭品擺甫士。

於片中放下靚女包袱，兼有劏人戲的法拉，拍攝前曾睇心理醫生做Research：「醫生以為我唔肯坦白講病情，猛叫我放心講，後尾信咗我，仲同我分析角色，又唔收診金。」為代入角色，她曾於工廠大廈獨自過夜。而DaDa期間俯身執鞋，輕露事業線。