林憶蓮跟恭碩良（Jun）的「姊弟戀」早已是公開的秘密，但憶蓮對感情事向來低調，昨日有報道指憶蓮對Jun諸多不滿而狠撇對方，惟憶蓮昨日傍晚在其Facebook否認情變，並以英文撰寫與阿Jun的情侶關係不變，又以「Beautiful（美麗）」來形容男友，高調晒愛！

獲女友公開力撐的Jun也透過經理人公司回應：「報道寫嘅嘢大家唔好信！」他解釋未有擔任憶蓮巡唱鼓手，全是他自己推辭：「我連陳奕迅嘅巡演都推咗，因為我要打理自己嘅音樂製作公司，今年我會同好多歌手同監製合作，好似憶蓮、陳柏宇、鍾舒漫同尹子維等。」