健仔鼓勵母親，希望她不需倚靠呼吸機。

張衞健母親日前在酒店遇溺送入院搶救，一度危殆，幸終於甦醒，康復進度亦理想。昨日健仔跟太太張茜及弟弟張衞彝等如常到醫院探望，健仔離開前透露媽咪情況穩定，由於仍需用呼吸機，故暫未能交談，但神志清醒，連醫生也讚媽咪叻女：「我哋一面鼓勵佢，想佢快啲唔使用呼吸機，但又怕佢辛苦。」原本要在內地為劇集趕埋尾的健仔，感謝劇組體諒，待媽咪情況再穩定些就要盡快回內地完成拍攝工作，問到酒店可有聯絡他們？他說：「有慰問！（講賠償？）其他嘢唔講。」

健仔鼓勵母親，希望她不需倚靠呼吸機。

健仔其後在電話中說：「媽咪個腦完全冇問題，唔使檢查，今日個肺差少少，但姑娘話喺ICU病人嘅情況反覆係正常，醫生話媽咪年紀咁大，咁快醒已經好犀利。」他又帶了媽咪最愛吃的魚皮，但媽咪前晚睡得較差，昨日他更帶同專程由澳洲返港的85歲姨媽來探媽咪，令媽咪很開心。健仔好友Clement則表示張母精靈，識得揮手跟他拜拜。