最近盛傳李思捷與陳雅倫玩姊弟戀，昨日更有指思捷帶陳雅倫見母親及「春卷」王宝宝已被貶為「阿二」，正印地位岌岌可危，但春卷卻處之泰然，透過電話說：「都見晒熟朋友嘅爹哋媽咪，冇乜特別！（甘心做「阿二」定希望繼續做正印？）人哋點講由得佢，總之我兩樣都唔係，Just a girlfriend（只係女朋友）！」又指已見過思捷媽媽：「以前一齊住當然見過！（擔心思捷同陳雅倫同居？）冇聽過喎！如果係都幾有趣！」她又強調冇必要刻意箍實思捷：「每個人都要有自己空間，好似家長咁都唔可以箍得小朋友太緊，放手可能會睇得更清楚！」

記者致電思捷求證有關陳雅倫「坐正」一事，他說：「呢排係咪冇話題悶過頭呢？總之個個都尊敬我阿媽！」他承認陳雅倫曾見過其母兩次，強調只是正常社交。至於其節目《玩嘢王》上周收視22點，升2點！