鄭伊健於廣州個唱大晒六舊腹肌。

鄭伊健前晚在廣州體育館舉行巡迴演唱會，除大唱多首歌曲外，更大晒六舊腹肌，伊健請得好友林曉峰及錢嘉樂任嘉賓大搞爛Gag，嘉樂說：「伊健每個站都帶一個人嚟，但今次竟然唔帶，呢個人係邊個呢？我同林曉峰都有帶嚟。」台下觀眾大叫「阿嫂」（蒙嘉慧），嘉樂笑說：「伊健依家好識玩o架啦！」林曉峰則玩押韻：「唔帶阿嫂，嚟廣州可以玩到第二朝早！」嘉樂接住說：「唔帶老婆，冇人依依哦哦！」令伊健哭笑不得。

鄭伊健於廣州個唱大晒六舊腹肌。

另外，伊健又對廣州歌迷大賣口乖，表示亡師羅文曾在廣州住了一段長時間，故特別想到廣州開個唱。其後，大會播出楊千嬅的打氣片段，她催伊健生仔：「恭喜你娶到個YoYo（蒙嘉慧）咁好嘅老婆，雖然你話唔生，但係命裏有時終須有……」到了「安哥」部份，伊健邊唱邊將T恤和攬枕等紀念品拋落觀眾席，令歌迷瘋狂搶奪。