詹Sir與鵬哥合力抬起娜姐，令她險抽筋！

兩代「扮嘢大師」詹瑞文與盧海鵬月中開騷，嘉賓周秀娜率先送上見面禮，祝賀他們分別入行20年及40年。禮尚往來，二人「夾擊」娜姐送上香吻，更托起她做出高難度動作，艷福無邊！

詹Sir與鵬哥合力抬起娜姐，令她險抽筋！

詹Sir（左）與鵬哥獲「女神」娜姐餵餵，恨死不少宅男！

鵬哥熱情送吻，令娜姐驚喜不已！

扮嘢騷《詹瑞文盧海鵬紅館奇幻扮嘢大典》將於本月14及15日在紅館舉行，詹Sir與鵬哥昨日聯同表演嘉賓周秀娜綵排。為恭賀兩位「扮嘢大師」分別入行20年及40年，娜姐即場獻禮，送上20粒心形士多啤梨給詹Sir，寄語他繼續開開心心；又送上貌似金磚的黃色四方形西瓜，寓意鵬哥延續40年演藝輝煌及「生生猛猛」，她還親手餵二人食士多啤梨。為報答娜姐的厚禮，鵬哥與詹Sir兩面包抄，向娜姐面珠送上香吻，更合力抬起她做出高難度動作。

開金口驚嚇親人

事後，娜姐笑言因伸直雙腳而幾乎抽筋，鵬哥即取笑她說：「佢少用下體！」娜姐解釋：「係平時淨係郁上半身，好少要咁伸直隻腳。」但鵬哥得勢不饒人，繼續追擊：「除咗死人先要伸直腳啫！」笑到全場碌地！

不過，鵬哥抬起娜姐時明顯有點避忌，問到是否不欲近女色，他搞笑地說：「年紀大要離開呢啲嘢。（驚畀人扭耳仔？）我耳仔好硬淨，冇人敢扭，除咗我老母，但佢都死咗喇！」而詹Sir則透露娜姐會在Solo部分與3名男Dancers有性感辣身舞演出。平日甚少唱歌的娜姐自爆將「開金口」，笑言驚心Dancers聽到她的歌聲會硬晒軚，不懂跳舞！詹Sir又預告將惡搞紅爆全球的騎馬舞大叔Psy，鵬哥即大講爛Gag：「詹瑞文扮Psy，咁就認真High！」