男友尚未求婚，胡定欣已向劇組度定期結婚，認真心急！

藝人胡定欣昨日穿上多套婚紗行騷，她表示入行10年來行過無數次婚紗騷，酬勞愈來愈好！問到與男友有否結婚計劃，她說：「呢個年紀都有諗吓，始終係女仔，身邊女仔朋友結婚嘅結，生BB嘅生，我都會閃過呢個念頭。（男友求婚未？）未，希望唔太遠啦！（暗示過？）大家有講過，度吓時間，睇吓最後能唔能成事。（度定期？）哈哈，同劇組度緊。」

男友尚未求婚，胡定欣已向劇組度定期結婚，認真心急！

李曼筠今年書展拒加入寫真戰，改出美食書。

松岡李那收起「蜜桃胸」，轉騷修長美腿。

同場還有松岡李那、「動漫Maggie」李曼筠與模組合FFx成員鄒莉盈，其中李曼筠透露將推出美食書，問到是否想做才女，她說：「入行7年，都想試吓其他嘢！」並自爆今年亦有人邀她出寫真，但被她拒絕。而將推出性感寫真的鄒莉盈則說：「會半裸上陣，有男Model用手遮住我個胸嘅相。」並透露上圍由32D升至32E！