Dicky到醫院探望媽咪，與老婆張茜前後腳現身。

藝人張衞健（Dicky）的75歲母親余嘉碧，日前在酒店游泳時遇溺送院搶救，昨午前往探病的孻仔張衞彝（Henry）率先宣布好消息：「媽咪醒咗啦！完全清醒！媽咪好好！」他更狀甚興奮地握拳說：「好精神！Yeah！」至晚上八時，Dicky步出病房，他說：「一嚟到就見媽咪完全醒咗，我哋講嘢佢都有反應。」因連日太疲累而未沖涼就瞓的Dicky續說：「都算係過咗危險期。（幾時轉普通病房？）未知呀，呢幾日仲要做腦、肺檢查。」但他笑謂老婆張茜建議帶鮑魚，而他則帶麻雀，鼓勵母親盡快康復，而他要等母親情況穩定才考慮何時開工。據知昨日Dicky夫婦等十多人帶同麻雀為張母打氣，而張母甦醒後未有落淚，連日撐住的Dicky和張茜更安慰身邊人。而Dicky與Henry亦有傾偈，把母親放在最重要的位置。

Dicky到醫院探望媽咪，與老婆張茜前後腳現身。

張衞健與母親

張茜

Henry興奮握拳，宣布媽咪甦醒的好消息。

記者致電Dicky時，他自言有為母親入院哭了數次：「媽咪愈來愈精神，識點頭、搖頭，手腳都識郁！」他指以母親75歲之齡而且心臟兩次停頓，但在「冷凍治療」及「傅油」後能張眼是神蹟，並感謝一眾醫護人員。他透露昨日帶同修女探望母親，而他們離開時母親寫了一句句子給朋友，就是「快啲返去食飯」，因她知對方一餓就會暈，而昨晚Dicky亦有在微博分享母親的情況。

另外，藝人江欣燕出席活動時，得悉舊愛Dicky的母親住院後即時落淚：「希望Dicky堅強啲支持住！」又表示想探望張母。