祖兒前晚以型Look上陣，出席成都格林美巨星音樂會。

事業有成、名利雙收的謝霆鋒，早在少年時已被獨具慧眼的風水師陳伯（陳朗），批他將來必成大器，尊師重道的霆鋒與容祖兒昨日專誠到內地青城山拜祭恩人，並順道為最疼錫的嫲嫲及父母祈福，希望他們身體健康。

祖兒前晚以型Look上陣，出席成都格林美巨星音樂會。

祖兒和霆鋒跟楊受成關係甚佳，食飯不忘合照。

Mani（右起）、楊受成、祖兒和霆鋒誠心燒衣。

謝霆鋒和容祖兒前晚以香港代表身份，出席成都舉行的格林美巨星音樂會後，昨晨跟英皇集團主席楊受成和經理人霍汶希（Mani）在當地青城山拜祭已故恩人風水大師陳伯，早在霆鋒13歲時，陳伯已贈言他將來必會成為天王巨星，而雙眼充滿靈氣的祖兒，也會當上天后。據知工作繁忙的霆鋒，本應前晚趕返港，但他卻推遲工作，特地多留一天上山拜祭陳伯，並為嫲嫲祈福，保佑她身體健康。

「一家人」行山聚會

霆鋒昨日接受電話訪問時說：「我同陳伯認識時間好短，見過8次左右，但都係一個緣分。」他最記得有次老闆楊生跟陳伯說：「佢（指霆鋒）激死我！」陳伯說：「你唔好理佢。」他即在旁笑騎騎。近年成熟不少的霆鋒說：「今次唔係想話去報恩，係去探伯伯，有時做人唔好諗其他嘢，行開吓，我哋成間公司一家人去行吓山，大家聚吓，都市人唔好畀咁多理由、藉口先做開心嘢，有時好平淡，唔使諗咁多已經開心。」

霆鋒一向疼錫嫲嫲，他說：「嫲嫲已經103歲，父母都老啦，爸爸雖然都好Fit，但始終有少少病痛，上去唔係要求咩，當然希望佢哋身體健康。」問到他可有想過再婚？他淡然笑說：「呢刻你咁問梗係冇，我咁悶嘅人點會有？（大家都關心你感情生活！）有埋嚟嘅大家都知，感情事順其自然，有得強求咩？」

父親節將至，問到霆鋒會怎樣跟謝賢（四哥）慶祝？他說：「睇佢想點，不過我未必喺香港。」他又指父親「年紀大啦」，故近兩年見面多了。雖然工作繁忙，但霆鋒不忘關心兩個兒子：「還可以，栢芝好配合。」問到他可是怪獸家長？他說：「我算係嚴父！慶幸栢芝同我同一陣線，佢教得好好，兩個仔都好有禮貌、好聽話，識叫人又唔會嘈喧巴閉，佢媽咪好大功勞！」

祖兒前晚在音樂會上演唱《加大力度》，因落大雨關係，在戶外的舞台變得濕滑，祖兒幾乎跣腳，她又臨時更改舞步，加強上身郁動：「為表現出強勁力度，我Fing到頭暈！」為求最佳表演效果，她捱餓到演出後才大擦一餐。而本月16日是祖兒生日，昨日她已率先在微博上載蛋糕照，據知她將起程到美國進修，男友劉浩龍亦會同行。

另外，早前與哥哥霆鋒到澳洲探望嫲嫲的婷婷，昨日在Instagram上載兩張英文字句相，似是暗示最近很煩惱，看來與安志杰結束四年情的她仍未平復心情。