張智霖 彈倒模樣分唔清
近年圈中女星頻頻被指「撞臉」、清一式「V煞面」及「間尺鼻」，連今屆參選韓國小姐20位佳麗更被指集體「倒模臉」，成為網友笑柄！昨日張智霖（Chilam）出席活動時，就狠批圈中明星整容風氣氾濫，自嘲有「臉盲症」之餘，無懼得罪圈中人，更彈：「個個好似倒模出嚟咁！」
張智霖
童顏的Chilam雖然已婚，但與心悠拍檔仍可稱「金童玉女」。
范冰冰
陳靜儀
Angelababy
張馨予
楊冪
關心妍
林宜芝
何佩瑜
雨僑
謝芷蕙
鍾采羲
型男張智霖（Chilam）與女星劉心悠昨日出席《F&H BY FANCL日日補充．日日健康之旅啟動日》活動時，Chilam自爆老婆袁詠儀（靚靚）大讚心悠是無添加美女，更借題發揮，公開批評整容風氣氾濫！他說：「佢好早之前已經話心悠係一級美女！（仲有其他一級美女？）唔係求其o架！要好似鍾楚紅呢啲神級先叫一級，最重要係天然！」
不尊重觀眾
Chilam大發「天然美女論」，擺明不滿圈中整容潮，問到是否認為整容風氣氾濫？他即自嘲有「臉盲症」，更彈「倒模臉」不尊重觀眾：「係啦！依家好多人個Look感覺都好一樣，我諗我有『臉盲症』，分唔到邊個打邊個，個個好似倒模出嚟咁！（依家連男星都好似樣？）唔好咁樣啦！要畀觀眾多啲選擇，咁樣係尊重觀眾。」
等魔童手工
此外，問到如何慶祝父親節時，Chilam表示父親身在澳洲，而他則希望兒子「魔童」（張慕童）可給他做些「手作仔」，因為如果買現成商品，最後還是要他出錢。另外，快將約滿澤東公司的他，被問到過檔問題時，他即說：「我同舊公司合作咁耐，大家都好似一家人咁，不過我自己喺呢行咁多年，成日都會尋覓新鮮事，但我覺得最緊要係自己努力，不論同邊間公司合作都好，要自強不息！」
