苟芸慧（左）與吳千語並排而站，身形明顯有很大對比！

苟芸慧及吳千語前晚齊齊出席活動，噸位十足的苟姑娘與纖瘦的千語，身形上明顯有差別！不過，品牌高層竟表示苟姑娘跟新車的線條一樣「修長」，台下即傳來一陣笑聲！苟姑娘卻笑指未感尷尬！

苟芸慧（左）與吳千語並排而站，身形明顯有很大對比！

苟姑娘愛開車紓解心情，當然要試坐跑車，看看是否啱心水！

吳千語倚在靚車旁，果真是「香車配美人」！

曾與郭富城傳緋聞的苟芸慧及林峯女友吳千語前晚出席《Lexus IS車系》活動。兩人合照時身形明顯有差距，脹爆的苟姑娘腳瓜足足等於千語的兩條！但品牌高層致詞時，竟指苟姑娘與新車線條一樣「修長」，台下即傳來笑聲！

「冇男友就失敗咩」

事後，苟姑娘大方表示未感尷尬：「每個人線條都唔一樣，出嚟效果好就OK，大家笑係開心事。」問到為何「愈減愈肥」？她即死撐指化妝師及造型師都讚有變瘦，只是記者未察覺：「同唯唯（梁烈唯）去台灣拍微電影，成日要跑步，身邊人都話我瘦咗，減肥係需要多啲時間。」提到開快車，她表示喜歡在合法的情況下開車釋放自己，問到駕駛技術了得的男生會否加分？她說：「安全第一！（咁城城呢？）架車要好，生命最緊要！」提到城城的舊愛熊黛林已有追求者，她自爆仍無人問津：「冇男友就失敗咩？我依家放開咗好多，唔心急拍拖。」

未諗禮物贈「老爺」

而千語則表示雖未有車牌，但亦享受坐快車。問到男友林峯的駕駛技術如何？她淡然說：「冇坐過喎！都少機會見，佢依家喺內地拍劇。（探班？）唔會喇！我都要喺香港做嘢。（點維繫感情？）正常聯絡。（向男友撒嬌？）冇咩特別，大家都忙，都明白。」提到父親節將至，她表示未必能與爸爸慶祝，問到會送甚麼禮物予林父？她坦言很難選購合適的禮物，望有機會約林父食飯。