胡杏兒不想打聽黃宗澤的新戀情，自言兩人並無芥蒂。

胡杏兒昨日出席杯麵宣傳活動，當見到現場人形公仔「清仔」後，她即表示有親切感，但否認是因「前度」黃宗澤扮過才有此感覺。他倆分手已有一段時間，她表示沒有芥蒂，但早前同台時卻是零交流！提到舊愛的緋聞，她不聞不問，強調不想再有壓力。

胡杏兒不想打聽黃宗澤的新戀情，自言兩人並無芥蒂。

杏兒拉着小朋友與人形公仔合照，可愛度十足！

黃宗澤曾扮演「清仔」，但杏兒指親切感並非由此而生。（資料圖片）

胡杏兒昨日出席活動時於席上高歌一曲，但因音樂出現問題，她幾乎要清唱！杏兒未有因而尷尬，更與人形公仔「清仔」開心合照。她透露每次出外景都會帶備杯麵同行，由細食到大：「我喺外國讀書，窮嘅時候都捱過杯麵，所以特別有親切感！」其前男友黃宗澤（Bosco）曾在公開活動扮過「清仔」，問到是否因而倍感親切？她說：「乜佢扮過咩？我都唔知！」

拍新劇常失眠

提到無綫早前召集逾300名藝員影大合照，她只與右邊的馬國明聊天，卻與左邊的Bosco零交流，杏兒說：「我有同佢打招呼o架！冇人見到啫！嗰日係馬明猛同我講笑，講埋啲唔可以同人講嘅嘢，引我笑囉！其實我哋都冇嘢。（知道Bosco又有新緋聞？秘戀無綫小花李穎彤？）我哋分咗手咁耐，冇留意佢啲嘢。（會唔會問？）唔會，大家都唔想有壓力。」

杏兒又透露在港為《巾幗梟雄之喋血長天》多拍一日外景後，便會前往佛山及清遠繼續拍攝。她坦言接拍此劇後經常失眠：「可能呢齣劇太多生離死別嘅劇情，個角色都幾沉重，影響我嘅情緒。拍到八月，希望放假休息，如果中間接到其他嘢做，賺啲外快就最好！」