陳雅倫撐緋聞男友李思捷，並以對方與春卷的戀情過橋。

陳雅倫曾傳跟台灣女歌手潘美辰同居，日前她又被傳借了對方數百萬元人民幣未還，而潘美辰因怕麻煩，故從未追討。身在廣州工作的陳雅倫昨日說：「嘥氣，邊有人借咁多錢畀人？仲要冇借據。（借過佢錢？）我唔想講呢個人，有啲人想用我個名做宣傳，我唔會再跌入呢啲陷阱。（你哋有親密關係？）對唔住，我唔係佢條女，佢條女另有其人。」她又說「無聊嘢，荒謬嘢，同唔係事實嘅嘢係唔回應。」

陳雅倫撐緋聞男友李思捷，並以對方與春卷的戀情過橋。

報道指二人是在洪欣的婚禮上認識，洪欣昨日在電話中承認此事，不過表示與她們很久沒見，問到有否聽聞陳雅倫經濟有困難時，她說：「唔知，佢從來冇講過。（潘美辰借咗幾百萬畀佢！）咁多？但係其實呢啲嘢佢點會話我知！因為未去到咁Close，而且我同佢冇金錢轇轕，不過佢畀我感覺係一個幾熱情同率直嘅人。」

此外，李思捷主持的節目《玩嘢王》昨晚於荃灣某商場筵開5席播完結篇，甫開始即請薛家燕及郭晉安食假鮑魚，而沒有在嘉賓名單內的陳雅倫，亦出席撐緋聞男友李思捷，不過有備而來的她，五度重複與潘美辰的新聞是「無聊、荒謬、唔回應」。

其後陳雅倫還拿思捷與王宝宝（春卷）戀情過橋：「我寧願同你傳緋聞啦！不過好嬲春卷嚟探你班囉！直頭係呷乾醋。」實行以此招來分散注意力。