徐濠縈大讚老公Eason有運動細胞，但只是喜歡熱鬧的運動。

「Eason嫂」徐濠縈前晚獨自出席活動，她原本選穿一條長袖裙子，但因天氣炎熱而改穿白色吊帶Jumpsuit，因而跟名模周汶錡撞衫，猶幸兩人均穿得出色！已是一女之母的徐濠縈被取笑一身打扮冇身材，她聽罷笑說：「我係冇，我認o架！但我覺得平胸着衫靚啲！（老公Eason（陳奕迅）有冇投訴你平胸？）佢第一日識我已經係咁啦！但我嚟之前做咗三次運動，可能顯得再扁啲！」

徐濠縈大讚老公Eason有運動細胞，但只是喜歡熱鬧的運動。

周汶錡雖與徐濠縈撞衫，卻無懼比較。

熱愛運動的她希望能跟即將開騷的Eason一起做運動：「其實之前試過同佢一齊做瑜伽，我鍾意坐第一行，仲特登留咗個位畀佢，點知原來第一行係畀有經驗嘅人，最後導師調咗林德信過嚟，咁我就變咗同個靚仔一齊做喇！」另外，問到可會替無條件釋放的曾志偉感開心？她說：「終於都水落石出！」