承認曾整形的李玟與老公行孖咇，更大談整容。

不少女星都被指整容大變身，卻沒有多少人有勇氣承認。已嫁作人婦的歌手李玟，早前大方透露曾割雙眼皮，前晚她出席活動時再默認鼻子及面部曾整形，揚言若能增強自信心則一試無妨！

承認曾整形的李玟與老公行孖咇，更大談整容。

李玟即席獻聲搞氣氛。

自認購物狂的JM自爆每次濕平都會大出血。

Mandy Lieu性感上陣，成功吸睛！

露絲麥高雲透露會出席男友Davey的藝術展。

前晚Topshop首間大中華旗艦店舉行開幕慶祝晚宴及派對，吸引不少名人明星捧場，包括荷里活影星露絲麥高雲（Rose McGowan）、名媛薛芷倫、林子祥兒子林德信、Janice Man（JM）、名模馬詩慧及女兒、Amanda S.及Mandy Lieu等。其中李玟（CoCo）偕夫婿Bruce現身，她大讚Rose身材十分正，很高興能跟對方見面。

默認有執鼻

提到早前有關她的整容傳聞，CoCo說：「唔好提喇！但我可以發誓，除咗（割雙）眼皮外，其他部位都冇動過刀。我覺得不論美國或台灣，好多女仔都會整啲啲，只要能夠增加信心係OK，最緊要唔好整到怪物咁！」問到其鼻也被指整過？她即避談說：「唔好提喇！（咁你會唔會打Botox？）唔會反對，如果遲啲有需要都會試。（即係未試過？）唔好講喇！（會唔會隆胸？）依家唔會，考慮過如果老咗胸部下垂都會，但我都係得個講字，始終都有啲驚，有同老公講過整容嘅事！」她又笑言太坦白及不想講大話，故着記者不要問她，默認其他部位有整容！

而第二次訪港的荷里活影星露絲麥高雲，前晚偕男友Davey Detail恩愛現身，她透露此行會逗留十天，並順道參加藝術家男友在港舉行的藝術展覽。她表示很喜歡香港，問到可會來港居住？露絲麥高雲笑說：「我都想，但係唔知道喺洛杉磯啲狗仔點樣運過嚟呢！」