王梓軒（右）於新歌MV中分飾兩角，挑戰演技。

早前《娛樂 onShow》主持廖嘉輝（Luke）邀請王梓軒擔任嘉賓，大談其新歌《跳火坑》。日前27歲生日的他表示過了個「又Sweet又累」的生日，笑言累過做騷，印象難忘！

王梓軒（右）於新歌MV中分飾兩角，挑戰演技。

王梓軒被屈要自彈自唱生日歌。

廖嘉輝（左）邀請王梓軒任嘉賓，並送上蛋糕為他慶生。

節目《娛樂 onShow》每集邀請不同嘉賓，今次廖嘉輝（Luke）請來歌手王梓軒大談創作之路，分享音樂心得。一向勇於創新的王梓軒，近日推出新歌《跳火坑》，曲風搖滾，他坦言想透過新歌帶出正面訊息：「跳火坑，聽個名就知危險，只要你跳得過就冇嘢，跳唔過就會化為灰。我想帶出嘅訊息係當大家有危機，冇得揀之下，一係就用力咁跳，戰勝心魔，唔得就會跌落去！」於《跳火坑》MV中，他會人格分裂，一人分飾兩角，自己打自己：「喺MV度我會做兩個唔同嘅角色，一個係我自己，另一個就係自己變出嚟。想透過格鬥方法，去叫醒大家怒火，等大家可以豁出去。」

生日過開騷

本月3日是王梓軒的27歲生日，獲廖嘉輝送上蛋糕的他，卻被「屈」要自己唱生日歌。他又表示入行後曾度過一個「又Sweet又累」的生日，令他十分難忘：「我嘅歌迷好有心，會同我慶祝生日，但唔知點解每次都要我唱歌，仲累過做Show，仲要玩好耐先走得，雖然累但係我覺得好開心！」他又透露早前與美國清唱樂團The Exchange在港表演，並計劃推出國語大碟，想知道更多？仲唔快啲Click入《娛樂 onShow》？