陳柏宇為唱片舉行簽唱會，未受惡劣天氣影響。

歌手陳柏宇（Jason）早前舉行簽唱會，擔心受天氣影響而零Fans捧場，直至看到有逾百人捧場才放心，又稱跟模特兒女友符曉薇公私分明，儘管女友主動獻身客串MV，都會斷言拒絕。

陳柏宇為唱片舉行簽唱會，未受惡劣天氣影響。

陳柏宇不介意冇咪冇喇叭，大聲清唱，還請了樂手伴奏，Fans拍爛手掌。

陳柏宇

陳柏宇近距離會Fans，答謝大家支持。

符曉薇、陳柏宇

因工作忙碌，陳柏宇日前才有空檔為三月時推出的唱片舉行簽唱會，當晚活動雖然在屯門舉行，加上天氣惡劣，橫風橫雨，但未減Fans支持Jason的熱情，逾百Fans早在唱片舖外輪候。問到可擔心簽唱會受天雨影響？Jason說：「有擔心o架！我出門口時，連車都截唔到，仲淋雨淋到全身濕晒，我都怕冇人嚟捧場，好在都有好多人支持我。」由於場地關係，未有咪及喇叭設備，但Jason不介意大聲唱，還請了兩位樂手伴奏清唱三首歌，專業態度贏盡掌聲。

加拿大見家長

Jason透露早前與女友符曉薇（Leanne）返加拿大探親，問到女友是否跟未來奶奶關係好？他笑說：「OKo架！不過我成日笑佢用『Chok聲』冧我阿媽，平時同我講嘢唔會咁溫柔。」問到可有考慮請女友擔任MV女主角？他大爆女友曾主動獻身，不過遭他請食「檸檬」：「工作時做所有嘢都要涉及錢，我做嘢時又好認真，怕將工作嘅衝突帶入私人生活上，所以寧願唔好合作。」對於被指是惡男友，他反爆女友非外表般溫柔，有時也會「食住他」，他笑說：「唔好畀佢個樣呃到呀！」