車車告別講波妹生涯，獲同事送花Farewell。

藝人車車（張紫櫻）日前告別有線講波妹生涯，她說：「想試吓演戲、拍劇，但孭住個足球，想變都唔得，決定今年走都開心！同碧咸、費格遜同一年告別，我係因為碧咸至睇足球，同偶像同年掛靴，幾值得紀念。（過無綫講2014世界盃？）唔係我考唔考慮人，係人哋考唔考慮我。我決定唔續約有線時，都未知無綫攞到世盃播放權。」車車感激眾男同事送上驚喜Farewell：「冇諗過佢哋會做咁多嘢，又蛋糕又送花，我忍住冇喊，但好感動！我咁大個女，收花次數一隻手數晒，班男仔攞晒廠入面裝飾用嗰啲盆栽『質』晒畀我，畀佢哋激死！但我天光收工都專誠去花墟買個花樽裝起啲花。」

車車告別講波妹生涯，獲同事送花Farewell。