敖嘉年有份演的《神探高倫布》，輸收視輸口碑，但冇輸信心。

近期無綫劇集出現罕見低收視，藝人敖嘉年有份出演的《神探高倫布》不能幸免，雖然劇集已播完，但他仍深信該劇的新嘗試並非壞事。搏到盡的他吸取經驗，迎接新挑戰，即使帶傷在身亦在所不計！

敖嘉年有份演的《神探高倫布》，輸收視輸口碑，但冇輸信心。

敖嘉年為新劇留長髮及留鬚，轉型接受新挑戰。

黎耀祥、敖嘉年

早前無綫劇《神探高倫布》收視未如理想，誇張的劇情被觀眾炮轟荒誕，身為劇中演員的敖嘉年，坦言想不到觀眾反應會如此激動：「我都估唔到會挑剔得咁緊要，但係都感到安慰嘅，起碼有人討論即係有人睇，係好事嚟！」雖然今次《神》劇收視低迷，但嘉年笑言不會擔心日後劇集的收視，他說：「冇擔心喎！亦唔覺會有壓力，有時演員同觀眾都會需要新嘅劇本同角色，今次試咗，只係咁啱大家唔接受。」

大腿坐骨神經受傷

批評過後，眼前換了新Look的敖嘉年，看來已做好準備迎接下一輪新挑戰，因新劇角色要求留長頭髮兼留鬚，從前「青靚白淨」的小生滲出陣陣「佬」味。而練武之人嘉年在新劇有機會一展所長，由頭打到落尾，一向搏到盡的嘉年，拍攝期間更不慎受傷，他說：「呢套係入行以嚟打得最勁嘅劇，唔小心整親大腿坐骨神經，睇咗中醫o架喇！不過冇所謂啦！我不嬲都唔錫身，有得打仲好！但唔敢同屋企人講，驚佢哋擔心。」雖然有傷在身，但工作至上的嘉年謂不會乘機偷懶，又揚言：「打得就預咗！」認真敬業樂業！新劇除過足手癮打戲連場外，他又首次與陳茵媺合演情侶：「唔怕傳緋聞啦！人哋都有陳豪，同埋套劇係搞笑同打為主。」