湯怡表示愛犬因呷醋而故意在她身上尿尿。

藝人湯怡飼養了愛犬「肥膏」三年，她笑言愛犬雖然瘦，但被鬆軟的毛弄得好像很肥：「所以我家姐提議不如叫佢做『肥膏』啦！其實一買佢返嚟，我就返咗內地拍劇，屋企對佢嘅日常生活好放鬆，結果返嚟搞到佢連廁所都唔識去。有次見到佢去到狗廁所前就屙咗，所以咪打佢，話佢知咁樣唔啱，點知嚇怕咗佢。有人喺屋企佢一定死忍唔去，我心痛死！」

湯怡表示愛犬因呷醋而故意在她身上尿尿。

湯怡一家人閒時齊放狗，令關係變得更親密。

幸好經過湯怡耐心教導，如今「肥膏」終不必再受罪，但有次竟明知故犯，原來是因為呷醋：「之前『肥膏』同洪卓立隻狗配咗種，我咪要照顧其他BB，點知『肥膏』見我唔理佢就呷醋發脾氣，跳上我度尿尿！嗰次我真係好愕然，我都知係我偏心，最後有好好氹番佢。」她又笑說覺得「肥膏」最大成就是讓怕狗的媽咪、家姐改觀，一家人閒時放狗變得更加親近。