每次因工作與囝囝分隔兩地，孟瑤都會感到不捨！

內地女星孟瑤雖已育有一子，但為堅持演藝夢想，不惜四處奔波，故每當與囝囝分開，她都牽腸掛肚，只靠視像對話以解相思之苦。

每次因工作與囝囝分隔兩地，孟瑤都會感到不捨！

孟瑤

孟瑤不希望經常陪伴囝囝左右，因想囝囝可以更獨立！

孟瑤下嫁富商周磊，並育有一子，一家三口幸福美滿。

孟瑤下嫁內地富商周磊，為他誕下一子，理應過着幸福少奶奶的日子，但事業心強的她為堅持演藝事業，不惜經常中港兩邊飛，難怪每當與囝囝分隔兩地，她都大呻不捨：「同佢分開期間，我會同佢玩Facetime，我叫佢錫吓我，佢真係錫，跟住我真係忍唔住喊，因為我真係好掛住佢！」

回想當年，孟瑤發展事業之際卻懷孕了，雖然她回想懷孕期間過得很快樂，但分娩後開始對未來感到憂心：「其實大肚都幾開心，但生完之後，自己身形又變肥咗，覺得自己唔靚，都會諗係咪從今以後都冇人搵我拍戲？跟住搞到個人好唔開心，好似只可以困喺屋企裏面做媽媽！」

一歲讀幼兒園

孟瑤正因不甘束縛於「女主內」的觀念，認為女性也可擁有自己的事業，故她決意繼續為演藝之路奮鬥：「我仲好鍾意拍戲，因為演員嘅青春好短，呢份事業都已經堅持咗好多年，所以都唔想放棄。」雖已為人母，但她深信只要好好平衡家庭和事業，兩者均可兼得：「我覺得做嘢同湊BB係可以兼顧，如果我成日留喺屋企，BB都唔會變得獨立，尤其佢係男仔！其實佢一歲嗰陣，我已經送佢去幼兒園。最近我媽咪Send咗佢喺幼兒園整曲奇嘅相畀我，我覺得佢好叻呀！咁細個已經學到嘢！」