張兆輝獲名導演米高曼賞識，接受新片試鏡。

藝人張兆輝早前應荷里活導演米高曼（Michael Mann）的邀請，於香港秘密為新片試鏡，同獲邀試鏡的還有湯唯及余文樂等。據美國報道，米高曼已睇中湯唯，並安排她在片中與「雷神」基斯漢斯禾夫（Chris Hemsworth）演對手戲，而張兆輝及余文樂亦擊敗一眾對手獲取錄，電影將於月底開工。

張兆輝獲名導演米高曼賞識，接受新片試鏡。

米高曼

張兆輝昨日接受電話訪問，坦承會接拍荷里活電影：「好開心，都冇諗過OK，當時經理人問我想唔想去試鏡，我拍咗幾十年戲都未試過拍荷里活電影，試鏡當係去見識吓！米高曼係睇過杜琪峯啲戲然後搵我，試鏡其實係想加深了解！佢（指米高曼）好友善！」問到拍荷里活電影，酬勞是否很豐厚？他說：「梗係好過香港電影，西片畀演員嘅片酬係高啲！」由於平日亦有鍛煉身體，所以拍攝前亦不用刻意操弗，而電影公司亦沒要求他預先練習英語對白，對他信心十足！