范振鋒做老闆搵安全感

藝人范振鋒與太太李思欣昨日到將軍澳為有份投資的電腦商店「地腦天坊」剪綵，他說：「間舖投資過百萬，我只係小股東，姨丈先係大股東。佢經營開電腦商店，加埋呢間有四間，計劃兩個月後再開多間，希望兩年內有超過十間分店，到時會諗上市！」已開設火鍋店的范振鋒經營不少生意，原來是受「福祿壽」影響，他說：「細個跟志偉、叻哥、校長踢波，見佢哋點解咁紅仲要做生意？娛樂圈被動，有自己生意安全感會大啲！」李思欣受老公影響，最近亦開始經營網上鑽石生意，並修讀珠寶鑑證課程。