吳千語爆「冷」戰 無限期唔見林峯

自與林峯拍拖後，吳千語的負面新聞不絕，似乎令她倍感壓力！前晚與Jocelyn及Mandy同場輸「凸」的她一臉疲態，因近日為動作片而練拳，記者笑她可把男友當沙包？她卻冷淡地說：「唔會，都冇乜點見！（分咗手？）唔係，不過大家都忙，連WhatsApp都冇，但有電話聯絡。（最快幾時可以見？）無限期咁耐！佢成日都喺外地拍劇。（擔唔擔心少見面會有女仔埋身而影響感情？）我都試過喺外地拍劇，其實生活都好規律，我唔擔心！」對於近日的負面報道，千語慶幸身在澳洲的父母沒有留意，提到被指父親斬叉燒？她說：「其實我同佢（林峯）嘅關係，唔想牽涉大家嘅屋企人，呢方面大家有共識。（咁你爸爸係咪斬叉燒？）我做咗好多訪問，大家到時睇詳細啲就知。」