Jocelyn紮「肉蟹胸」拋窒Mandy
混血索模Mandy Lieu與Jocelyn前晚齊齊谷胸出席時裝活動鬥性感，擁有34C的Jocelyn紮出「肉蟹胸」，輸「凸」的Mandy更被當場嚇到跌咪倒奶！
Jocelyn Luko
Mandy Lieu
Mandy踎低執咪時輕輕倒奶，搶回不少分數！
與老公出席的Jocelyn（中）胸前的一對火紅「肉蟹」甚為搶鏡，Mandy慘被比下去！
設計圖片及對白
名模Mandy Lieu與Jocelyn前晚現身時裝品牌Vivienne Westwood在中環舉行的「CHAOS」展覽酒會，不約而同穿上低胸裝，輕易揮低密實上陣的吳千語、李蕙敏與王曼喜等。不過輪到正面交「峰」時，偕老公Anthony風騷拍拖赴會的Jocelyn明顯勝一籌，低胸裝胸前衣飾十足是蟹形設計，配合谷到上頸的34C上圍，激露「肉蟹胸」令人眼前一亮！反觀上圍只得32B的Mandy自知比Jocelyn身材輸蝕，雖穿上紅色露肩裙兼提升「墊」鬥力谷盡咪咪，可惜力不從「胸」，更出現高低胸！
全場最性感的Jocelyn全程拖實老公作掩護，見她身材豐滿不特止，連肌膚亦十分嫩白，但可能「肉蟹胸」紮得太緊，胸前露出微絲血管！對於一身性感打扮，她沾沾自喜地說：「係呀！不過做足安全工夫，照過晒先出嚟。（老公准唔准咁性感？）淨係可以同佢一齊先咁着，但如果唔係同佢一齊，自己咁性感都唔自在，有佢可以好好保護我。」她又透露今日是兩人結婚五周年紀念，將會旅行慶祝，並打算乘機造人。
否認半裸拍三級片
雖然被Jocelyn搶盡「峰」頭，但Mandy依然毫不介意風騷滿場飛，提到如此性感打扮會否怕容易走光，她笑說：「今日要小心啲，唔可以跌嘢！」卻怎料開口中！Mandy受訪時突然跌咪，令記者即時起哄，以笑遮醜的她只好小心翼翼地蹲下來執咪，反而輕輕倒奶成功搶回不少分數！談到近日接拍的新片《愛尋迷》被指是半裸情慾片，她急急否認：「如果想睇我半裸戲，觀眾會好失望，亦唔需要買飛，因為係冇半裸！Mandy Lieu係唔會拍三級片，但都會好大膽，例如着內衣，就算行騷都未試過，又會同戲中對手激情法式濕吻。」
「翻版關之琳」Jocelyn Luko
年齡：29歲
三圍：34C、24、35
身高：1米70
血統：日本、夏威夷
「陳柏霖舊愛」Mandy Lieu
年齡：28歲
三圍：32B、24、34
身高：1米70
血統：美國、馬來西亞
