陳雅倫被踢爆做小三

李思捷主持的節目《玩嘢王》收視及反應不俗，並將於本周六播映最後一集，思捷表示不會期望甚麼，大家看得開開心心就滿足。不過，據知無綫對節目最後一集相當重視，更打算在商場大搞結局宴，屆時更會邀請曾經在節目中被玩的嘉賓到場支持。

對此，思捷昨日接受電話訪問時說：「大家一齊食飯睇結局，成個商場一齊笑吓，正面、開心啲吖嘛！」他又指公司會安排一切，不用他親自請嘉賓，問到會否請女友王宝宝（春卷）撐場時，保持神秘的他笑說：「唔話畀你聽！（咁陳雅倫呢？）都唔講畀你知！」

呻追求者嚇跑

而陳雅倫昨日低胸上陣出席活動，大騷事業線，她被梁思浩篤爆二十年前的戀情，指當時對方有女友，她說：「吓！原來我係小三，我都唔知！」她透露正與無綫傾拍劇，問到會否希望跟緋聞男友思捷合作？她說：「我哋冇嘢！畀佢累死，嚇走晒追我嘅男仔！」之後更要求傳媒幫她徵婚。