被指變了「間尺鼻」的陳庭欣否認整容。

藝人陳庭欣（Toby）和林夏薇分別在昨日和前晚出席活動，二人不約而同變了「間尺鼻」，林夏薇更變「V煞下巴」，惹來整容疑雲。剛從日本旅行返港的Toby病到失聲：「可能太搏命血拼啦！行到腳趾尾都起水泡。」其後解釋可能搭飛機返港時被傳染。除病倒外，Toby的鼻樑亦較以前高直，事後她接受電話訪問時否認整容：「我不嬲都唔啱呢啲嘢，我連做Facial都懶，可能因為病咗，又狂呻鼻涕，又飲咗好多水，所以水腫。」

被指變了「間尺鼻」的陳庭欣否認整容。

林夏薇表示一直以來都是下巴尖尖。

而林夏薇對於被指整容很驚訝：「可能我換咗個化妝師。（面尖鼻高？）下巴不嬲都咁尖，可能近排成日打功夫，流好多汗，唔瘦都唔得啦！我對依家個樣好滿意，唔使整。」