周麗淇享受單身畀人追拍劇Open任仔咀

周麗淇（Niki）昨日出席《Just Gold鎮金店大中華區代言人簽約記者會》，品牌主席及行政總裁鄧鉅明、太太鄧宣宏雁和名媛李桂蘭到場支持。Niki表示有買金及樓投資，問到是否買定嫁妝？她竟自爆：「都希望快啲搵到真命天子，以前太奄尖，唔想畀機會人，依家畀多啲機會人哋。（有人追？）有啲人追，有約會，我都幾享受單身畀人追。」她又自爆喜歡小朋友，更不介意先生仔後結婚。提到新劇《好心作怪》錄得24點收視，她非常高興：「今次我同黃宗澤好多咀戲，同三哥（苗僑偉）都有，係拍過嘅電視劇裏面最多。」