Jocelyn（右）

吳彥祖與名模老婆Lisa S.昨日在社交網站公布誕下B女的喜訊，Lisa的模特兒好友紛紛道賀，眾人都認為B女必得父母的優良遺傳，靚爆鏡！

Jocelyn（右）

Ana R.

琦琦

陳嘉容

Jessica C

Jocelyn

「打咗電話畀Lisa，好恭喜同戥佢開心，想快啲見到BB，我估一定好靚，佢哋全家都好靚，相信BB會成為Next Top Model。已經買咗衫仔畀BB，我知Lisa收到好多BB衫，鞋仔都有15對。依家係佢享受家庭時間，等佢休息夠先探佢。雖然身邊好多朋友都生咗BB，但我唔會有壓力，反而愈嚟愈興奮，幫朋友餵BB，當係實習！」

Ana R.

「同男友一齊探過Lisa同BB，真係好戥佢開心，之前佢個Baby Shower都係我幫佢搞o架！我本身好鍾意小朋友，加上見到男友對住BB時好開心同好有愛心，令我好有衝動同呢個男人生番個BB。」

琦琦

「好戥Lisa開心，期待見到靚仔靚女所生嘅靚B，本來諗住Lisa生之前約出嚟食飯，依家等過幾日先去探佢，禮物已經送咗，希望佢快啲回復Model靚身材啦！」

陳嘉容

「未去探Lisa，因為佢講明唔使去醫院探佢，我估佢好攰，畀時間佢靜靜休息吓先。我會送嬰兒用品公司嘅禮券畀佢做禮物，好戥佢開心，佢哋嘅BB一定好靚，希望佢再生多個，令世界更美麗。之前喺Baby Shower見到Lisa，佢係以前身形嘅兩倍，但相信佢好快瘦番。」

Jessica C

「好開心，我覺得BB女好幸福，有咁高質素嘅父母，我祝福佢哋。」