Bosco犧牲色相谷收視

黃宗澤（Bosco）、周麗淇（Niki）、萬綺雯與苗僑偉（三哥），昨日出席新劇《好心作怪》宣傳活動，以魚網露腰裝上陣的Niki罕有地性感上陣，近期無綫劇收視欠佳，Bosco說：「希望收視開始有廿六、七點先，之後先3字頭。（咁冇信心？）依家觀眾啲口味好難估。」為谷收視的他更不惜犧牲色相，揚言若有32點便穿三角泳褲，可惜三哥和Niki都拒絕奉陪，Niki笑說：「唔想趕客喎！」她其後態度軟化，並說：「我要35點先着，不過係兩件頭。」但她表示下星期去橫店拍劇3個月，故今次「承諾」可能只是「空頭支票」。談到日前在內地發生交通意外，Niki慶幸沒受傷：「係我人生勁驚險嘅一次，其實當時我瞓緊覺又冇扣安全帶，唔啱o架！以後唔敢。」