不抗拒扮醜女的李綺雯，不介意扮鬼臉。

李綺雯（o靚妹）一向玩得，要她整古做怪完全冇難度，她更自嘲：「我唔整個樣已經夠騎呢！」她坦言從不抗拒扮醜女：「我本身都唔係行靚嘅路線，所以都冇咩框框。我扮過大口蘭啦，又試過要黐粒大癦、畫大細眼，其實都唔算好犧牲嘅，要做咪做好佢囉！」

不抗拒扮醜女的李綺雯，不介意扮鬼臉。

向來玩得的李綺雯平日愛整古做怪，表情多多。

妹又笑說：「其實除咗扮醜之外，我係成日要扮大胸。你哋唔好以為王祖藍、阿Bob成日要戴假胸圍，其實我都戴唔少！我試過扮朱茵、徐子淇，我唔明點解我係一個女人，去扮一個女人係需要假胸！」問到現實生活中可會想「僭建」？她大笑：「隆胸？但係我想跳水喎！」