欣宜近日出席活動時變靚咗，相信是為演唱會積極收身所致。

鄭欣宜近月積極收身，為今晚首個紅館騷做準備，成功踢走「肥腩」的她零舍省鏡，鼻樑突然變直，鼻頭肉亦變豐滿，相比入行時靚女得多！

欣宜近日出席活動時變靚咗，相信是為演唱會積極收身所致。

初出道時的欣宜鼻扁扁。

欣宜（中）到電台受訪，憶述「晨早」回家被媽咪打的往事。

鄭欣宜以沈殿霞（肥姐）女兒身份，出席今晚於紅館舉行紀念肥姐的《開心果永遠欣想「」演唱會》，首度於紅館開騷的欣宜為以最佳狀態示人，年初出席唱片公司星煥國際春茗後，即閉關做歌兼做運動及節食收身，直至近月才蒲頭，四出為演唱會宣傳。

扁鼻妹不再

記者發現前日26歲生日的欣宜瘦了成個碼、踢走包包面、拜拜肉及肥腩，變得更省鏡，而鼻子亦與入行時的「扁鼻」相差甚遠，鼻樑明顯變直、鼻頭肉變豐滿。由於欣宜昨晚為演出作最後綵排，故截稿前仍未回覆。不過記者翻查資料，欣宜於2011年曾表示不抗拒整容，更笑說：「如果要整，梗係整個鼻先啦！」

另外，欣宜早前接受電台訪問，分享當年與肥姐生活的點滴，更自爆掛住夜蒲沒聽媽咪電話，結果慘被「兜巴星」，她說：「18歲第一次去蘭桂坊玩，因為冇留意電話，原來媽咪打咗幾次嚟，到凌晨五點返到屋企，媽咪坐喺客廳等我，佢鬧我不負責任，令佢擔心，仲一巴打落我度。」乖女的欣宜未有因此嬲媽咪，反而覺得「打得啱」：「佢打我時，我知佢個心比我嘅皮肉更痛。」