化身歌王羅文的盧海鵬（左）及舞王米高積遜的詹瑞文，殺入鬧市宣傳。

兩代「扮嘢大師」盧海鵬及詹瑞文前晚衝入旺角向賣藝人士挑機，化身「舞王」米高積遜的詹Sir笠上金三角「激凸」自摸，並自爆經常仆！兩人搞笑地玩轉旺角，成功吸引過百市民圍觀。

化身歌王羅文的盧海鵬（左）及舞王米高積遜的詹瑞文，殺入鬧市宣傳。

鵬哥與詹Sir向一眾賣藝人士挑機，吸引不少市民圍觀。

盧海鵬及詹瑞文前晚分別化身已故歌手羅文及「舞王」米高積遜（MJ），為下月中的《詹瑞文盧海鵬紅館奇幻扮嘢大典》宣傳，兩人殺入旺角行人專用區踩場，向一眾賣藝人士挑機，當中詹Sir的MJ造型最為「凸出」，除梳起一頭又油又長的曲髮，更戴上假鼻子及笠上激凸金色三角底褲，引來過百市民圍觀。

「下面裝嘢」唔驚抽水

他們先向一對街頭賣唱的男女挑機，鵬哥大開金口獻唱《心裏有個謎》及《獅子山下》，在旁的詹Sir則扮MJ自摸兼抽褲頭，十分搞笑！意猶未盡的觀眾高叫鵬哥唱《激光中》，他即說：「到時嚟睇就唱啦！」

問到二人可擔心被途人「抽水」？詹Sir拍晒心口說：「唔驚，我下面裝咗嘢！」問到開騷當晚會有甚麼造型時，除了會「故人上身」外，鵬哥更盞鬼地邊擺甫士邊說：「我仲會扮『對你愛愛愛……』嗰個。」而詹Sir則透露會扮天后。問到他們「夜麻麻」戴黑超，可會擔心仆倒？詹Sir笑說：「PK呢啲成日都有o架啦！」