城城(左)與Chilam豎拇指讚叻,更興奮得攬外籍美女,唔怕有人呷醋咩?

郭富城昨日以馬主身份到馬場支持愛駒「愛將」出賽,「愛將」以大熱姿態勝出,城城即豎起拇指讚叻,並風騷表示賽前已充滿信心!

城城(左)與Chilam豎拇指讚叻,更興奮得攬外籍美女,唔怕有人呷醋咩?

阿智(左二起)、Chilam及城城(右二)拉頭馬。

亨亨(右)愛駒跑出,不過嘉欣未有現身。

苟姑娘聞城城的「愛將」,語氣即變得嬌嗲。

郭富城昨日與老友張智霖(Chilam)一同以馬主身份到沙田馬場支持愛駒「愛將」出賽,老友蔡一智亦有同行。Chilam賽前已對拉頭馬有信心,至於會否落重注?他笑說:「一陣買10蚊先。」「愛將」最後以大熱姿態勝出,三人一起拉頭馬,城城更風騷地與外籍女友人擁抱,又輕撫愛駒兼豎拇指讚叻!他稱賽前已充滿信心:「我哋用咗鍾意嘅騎師,今日跑得好有智慧,佢有安撫隻馬,結果跑出1分09秒,希望贏咗馬可以為朋友帶嚟好運!」但不忘叮囑大家不要「瞓身」,又指另一匹贏過冠軍的愛駒「愛的呼喚」比較青澀,稍後才出賽。

Chilam對拉頭馬大感興奮,問到是否真的只買10蚊?他說:「多過10蚊,我同阿智夾份買咗100蚊。今次係我第二次拉頭馬,覺得好幸運。贏幾多唔重要,最重要係做善事。(再買馬做馬主?)自己都係掹朋友車邊,我對買馬唔認識。」阿智則表示純粹來「攞個彩」。

亨亨捧走一百萬

此外,城城的緋聞女友苟芸慧前晚上節目時,被陳百祥(叻哥)戲弄,問她:「苟小姐,聽日隻『愛將』得唔得?」她即尷尬又嬌羞地說:「唔好咁啦!」而許晉亨與李嘉欣名下的愛駒「一寶」昨日亦勝出賽事,是今個馬季第二次,獎金達1,368,000港元!另外,張智霖昨日和劉心悠擺出多款跳躍甫士拍健康品牌廣告。