Jeana（中）與張建聲「開房」斷正兼被淋鏹？好彩拍戲啫！

傳與張柏文分手的何佩瑜（Jeana）昨日偕「向西仔」張建聲（Justin）及吳若希拍攝新片《溝女不離3兄弟》。「分後」的Jeana大解放，以低胸背心晒事業線，除與Justin「開房」外，還在酒店前六度激咀，結果被正印吳若希喪插兼淋鏹水，雙雙當場趴地，Jeana還人前露底！

Jeana（中）與張建聲「開房」斷正兼被淋鏹？好彩拍戲啫！

問到是否仍有感情困擾？Jeana似默認「分訊」，並將柏文「降呢」做朋友：「每次嘅經歷都學到嘢，我覺得依家狀態好好。（分手仲係朋友？）都會！（有聯絡？）呢啲唔講。」有傳Jeana搭上外籍畫家，柏文則被爆密會有米女，問到會否如戲中「偷食」？Jeana說：「唔會！依家唔係細路，要心靈上嘅支持。」Justin則自爆入行前曾玩「五角戀」，更在Disco「斷正」被女友掌摑。