Stella（中）與一眾模特兒合照留念。

香港時尚名店連卡佛，前晚為殿堂組合披頭四成員保羅麥卡尼（Paul McCartney）的愛女兼著名時裝設計師Stella McCartney在港舉行派對，其舊同學、本地時裝設計師何志恩（Johanna）亦是座上客，她說：「讀書時同佢唔熟，見到佢都有問：『你仲記唔記得我？』佢話記得。」二人同在著名時裝學府倫敦中央聖馬丁藝術及設計學院求學，Johanna指對方是學校風頭躉，並說：「佢有搵我做模特兒交功課，貪我瘦又冇胸。當年畢業騷，佢搵娜奧美金寶、姬摩絲等行騷，又有Philip Treacy（著名帽子大師）幫佢做帽，真係好勁，有同學覺得唔公平同眼紅！不過Stella啟發咗我，我搵Jimmy Choo（著名鞋匠）借鞋做騷，我覺得做人最緊要爭氣，依家佢咁成功就知佢有實力，唔係單靠父名！」

Stella（中）與一眾模特兒合照留念。

何志恩大談學生時代往事，透露同學Stella鋒芒畢露，惹人妒忌。

派對上，多位賓客邀Stella合照，她來者不拒，並指是次行程愉快，但很掛念家中小孩。