水着敏之問祥仔借奶

陳敏之與阮兆祥昨日到石澳泳灘拍新劇《My盛Lady》，兩人換上六十年代泳裝，敏之大晒43吋長腿，惟一向「冇料到」的她深深不忿，即向身旁甚有「肉地」的祥仔求救，笑說：「我晒唔到上面呀！你借啲奶嚟攝吓！」劇情講述祥仔在沙灘見敏之不省人事，即施以人工呼吸，剛度生日的他認真有艷福！

笑子華「絕食」

敏之受訪時表示未有因穿泳裝而節食，又大爆同劇演員黃子華及徐子珊「不食人間煙火」：「子華同子珊係唔食嘢o架！就算放飯都唔食，通常只係同枱陪食，唔知佢哋係患厭食定絕食！」

另外，前日祥仔46歲生日，他透露因拍劇而只有三小時慶祝，獲女友下廚在家中玩煮飯仔，並請得好友苗僑偉、戚美珍、黃日華、佘詩曼及文頌嫻等一起慶祝，他說：「阿佘見我女友經常落廚，咪約埋一齊食飯開心吓，佢哋之前去台灣慶祝生日都有同我微信！」生日飯局後壽星仔因趕拍劇而早走，其他人則繼續狂歡，更有人坐爆櫈、倒瀉酒，祥仔說：「有兩個朋友開心坐埋一齊咪爛囉！冇叫佢賠錢，最緊要大家珍惜相聚嘅時間！」祥仔透露生日願望是大家身體健康，但不急於結婚：「家姐有小朋友，阿媽已經有孫，所以唔急！」