Paco嬲到爆，希望了解事件真相！

太陽娛樂文化對於被無綫抽起旗下歌手的兩個節目演出，據聞揸弗人黃柏高（Paco）怒不可遏！他昨日在電話中說：「我都要了解，想知道原因，暫時不便回應。」對有傳太陽娛樂文化與無綫某高層私下洽談多項工作，他說：「絕對唔會！我公私分明，據我所知無綫所有工作都有正統程序嘅決定。」

Paco嬲到爆，希望了解事件真相！

太陽娛樂文化發言人承認無綫兩次都是前一日才通知取消工作，他們不知道原因，希望無綫可以給他們有個交代！無綫聲稱《勁歌金曲》錄影要調動時間，而Fiona跟J.Arie的慈善演出，則突然「唔要」J.Arie，由於兩人合唱及Fiona獨唱合共4分鐘，演出全被打亂，有見及此也為Fiona辭演，公司一班新人歌手跟無綫還有幾個音樂性節目演出，暫未收到變動消息。

而旗下藝人小肥力撐公司決定，他說：「每間公司有唔同制度，唔理人哋制度係點啦！公司係啱嘅，有共同進退嘅心，等佢（J.Arie）有一家人嘅感覺。」他又安慰小師妹J.Arie：「我都有試過同類情況，又冇點唔開心嘅，冇辦法啦！我又唔知無綫有咩難處，希望下次再搵番佢就好喇！」並稱希望與無綫保持友好關係！