朱玲玲日前出席活動時心情勁靚，更露口風指晶晶未足三個月。

即將榮升嫲嫲的最美麗港姐朱玲玲，日前出席活動時，露口風指晶晶未足三個月，而未來「爺爺」霍震霆出席另一場合時，搭着一名男孩合照即笑不攏嘴，可見他極恨抱男孫。記者昨日致電霍震霆，他聞得晶晶被拍下大肚照時笑說：「真好嘢，以後睇你哋報紙就得。（晶晶肚好大似5個月？）次次同你傾偈都咁開心。（幾時正式公開晶晶有孕？）啟剛大個仔，等佢自己講，你哋見佢多過我見佢。」

朱玲玲日前出席活動時心情勁靚，更露口風指晶晶未足三個月。

霍震霆早前搭着一名男孩合照，笑不攏嘴。