盛傳荷里活型男里奧勒度狄卡比奧（Leonardo DiCaprio）睇中20歲新進名模Cara Delevingne，據知情人士透露里奧仔在新片《大亨小傳》（The Great Gatsby）的首映後派對睇中同場的Cara：「平時里奧仔望住個女仔，個女仔就即時送上門，不過對Cara就無效！」有指里奧仔當晚全程跟着Cara，聊天時邀請Cara到他當地住處，不過最後二人僅交換電話號碼。知情人士又指Cara整晚都想避開里奧仔：「Cara覺得里奧仔太直接，同埋太老，年紀相差18年。」

此外，到當地宣傳新片《太極俠》的奇洛李維斯（Keanu Reeves），在一個私人派對上與一位神秘金髮女子有講有笑，疑似撻着。而金像影帝艾哲倫保迪（Adrien Brody）亦與女友Lara Lieto在當地行街，情到濃時當街咀嘴。