田蕊妮（左）搭着黃翠如膊頭合照，狀甚老友。

有指藝人黃翠如得寵而獲加戲，故與同劇的田蕊妮傳不和，其演出的無綫劇《舌劍上的公堂》前晚食煞科飯，但兩人有講有笑兼大方合照，證沒有不和。事後翠如在微博向阿田說：「感謝認識你，阿田，好想同你再合作！」阿田亦回應：「有緣再聚！」

田蕊妮（左）搭着黃翠如膊頭合照，狀甚老友。

席上，阿田表示將放假兩個月，曾奪歌唱比賽冠軍的她忙於為其首張個人唱片錄音。她指有次返無綫開工時在化妝間哼歌，被人放上網而得唱片公司老闆黃柏高賞識，主動聯絡出碟：「今次我會錄十首歌，主要翻唱我喜愛嘅男歌星舊歌，冇新歌。（唱老公杜汶澤啲歌？）佢得兩首，仲要係污點，再翻唱盞令佢蒙羞！（老公影封套？）都想搵老公參與！」

翠如早年一段「64感受」在網上瘋傳，她說：「我冇後悔講過，當時我好誠實，但人大咗有唔同睇法！（做咗藝人唔想講政治？）同藝人無關，係怕影響到其他人。」