名模周汶錡（Kathy）昨日是婚後首個生日，法籍老公Julien Lepeu前晚與她在西班牙餐廳開慶祝派對，宴請40位好友，妹妹周麗淇、伍詠薇、鍾鎮濤女友范姜、蔡一智和蔡一傑等均到賀。

Kathy「520（諧音我愛你）」生日，她笑言今年「2013520」諧音應為「愛你一生，我愛你」，覺得特別有意思，問她收到老公的甚麼禮物？她說：「冇呀！尋晚佢（前晚）負責埋單囉！禮物未收到！真係好開心，咁多好朋友一齊享受吓美食已經好心滿意足。（正日過二人世界？）我哋約咗另一班朋友食飯。（生日願望想生仔？）生仔都想，但唔想用秘方，隨緣啦！」派對上Kathy與老公全程糖黐豆，還當眾扮接吻魚，大晒恩愛。而今次派對以紅唇為主題，其中Kathy一位朋友帶來很多面罩，隨即變成面罩派對，Kathy大讚好玩！