奇洛脹爆女粉絲冇嫌棄

荷里活萬人迷奇洛李維斯（Keanu Reeves）日前抵達康城，宣傳自導自演的新片《太極俠》。出名打扮污糟邋遢的他前日現身遊艇派對時，頭髮凌亂兼油淋淋、一臉鬚根，穿西裝襯緊身T恤及牛仔褲，身材脹爆走晒樣，驚現包包面！與早前來港拍攝《太》片時的弗爆身形截然不同。但網友仍留言力撐他：「佢都48歲人喇，唔係28歲喎！走樣都唔奇！」另有女網友抵死地說：「奇洛脹爆又如何？我哋女Fans對佢仍然唔會Say No！」而奇洛昨日剃淨鬚，以全黑打扮在當地的海灘旁宣傳《太》片。此外，投資《太》片的中國電影集團公司副主席張強，上周在康城租住的酒店房間被賊人光顧，有指張強昨日取消出席該片記者會以示不滿。